Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

LAPA Uitgewers

@ Sunday Times Books LIVE

Archive for the ‘Non-fiction’ Category

Steinhoff en die Stellenbosse Boys #1 na slegs een week!

As julle wonder waarom LAPA met ’n wintie wip in die stap rondloop, wel, ons Steinhoff-boek is nommer 1 na slegs een week!

Die embargo is op 29 Junie gelig en teen 7 Julie plaas Nielsen Bookdata Steinhoff en die Stellenbosse Boys nommer 1 op die algehele niefiksielys, asook op die lys van Suid-Afrikaansvervaardigde boeke.

Boekbesonderhede


» read article

Marida Fitzpatrick sluit aan by LAPA Uitgewers

Marida Fitzpatrick, ’n bekende joernalis en skrywer, sluit vanaf 1 Februarie 2018 aan by LAPA Uitgewers as ’n senior uitgewer.

Haar fokus sal wees op die uitbou van LAPA se niefiksie-afdeling.

Sylvia de Wet, LAPA se bedryfshoof, sê hieroor: “Marida se deel word van die LAPA span skep ruimte vir nuwe energie en ’n ander dinamika wat ons baie opgewonde maak.”

Marida het in Secunda grootgeword. Sy het ’n honneursgraad in joernalistiek van die Universiteit van Johannesburg en werk al meer as vyftien jaar as joernalis, eers as verslaggewer vir Huisgenoot en Beeld en daarna as diepteverslaggewer by Beeld.

Marida is bekend daarvoor dat sy humor en patos deeglik kan meng in haar rubrieke en onderhoude.

Sy is ook ’n outeur in eie reg. Naas ’n boek oor Oscar Pistorius se hofsaak, het daar ook al twee romanses en ’n heerlike chicklit uit haar pen verskyn. Haar fiksie leen dikwels uit die werklikhede van die joernalis.


» read article

Vroue van Atlantis vertel die verhale van twaalf ongelooflike vroue wat ’n verskil maak tussen die bendes, die werkloosheid en die koeëls in Atlantis

Vroue van Atlantis

Inspirasie is die wagwoord

Twaalf ongelooflike vroue wat ’n verskil maak tussen die bendes, die werkloosheid en die koeëls. Atlantis is steeds die verlore stad, maar hierdie twaalf vroue se verhale inspireer. Hulle het besluit om nie moed op te gee nie. Hulle stories is dié van moed, optimisme en inspirasie. Dit is ’n moetlees vir alwat wat glo dat liefde en geloof ’n verskil kan maak.

Atlantis aan die Weskus was die breinkind van ’n vorige regering se “desentralisasiebeleid” – maar is tans die toonvenster van ontheemding. Uit hierdie wanhoop, staan dié twaalf vroue se stories soos fakkels in ’n lang, donker nag. Die twaalf vroue is: Francis Brown, Mary-Ann Cedras, Chrissie Cloete, Mandy Jonker, Christine Lewis, Sylvia Losper, Lenie Maya, Carol Muller, Sillene Oppel, Olivia Pharo, Mary Tenggren en Rachael Watson.

Die verhale strek van gemeenskapsdiens aan gestremede persone, bejaardes en kankerlyers, die rehabilitasie van dwelmafhanklikes, MIV/Vigs-voorkoming en -destigmatisering, tot inspirerende vroue wat staan in die onderwys, verpleegdienste, uitsaaiwese, ’n sangeres, ’n atleet en ’n tuinier.

Die opbrengs van dié boek sal deur die Departement Afrikaans en Nederlands, Universiteit Wes-Kaapland (UWK) aangewend word as studentebeurse.

Die samestellers en bydraers

Anastasia de Vries is ’n skrywer en dosent aan die Universiteit Wes-Kaapland en Eldridge Jason is ‘n verslaggewer en die skrywer van die bekroonde Gerook (2014). Hulle was aan die stuur van die bydraes tot hierdie bundel wat bestaan uit onderhoude met uitstaande vroue van Atlantis. Die bydraes is geskryf deur De Vries, Jason, Marni Bonthuys, Christa Prinsloo, Chandre Caryn Cloete, Ebenesia Pieters, Geraldine Fortuin en Jolyn Phillips.

Boekbesonderhede


» read article

Disturbed delves into the psyche of South Africa’s most cold-blooded criminals

Why do people lose their minds?

Chris Mahlangu, who murdered Eugene Terre’Blanche, did not just bludgeon him to death, it was reported that Terre’Blanche’s body had been hacked and beaten 28 times with a steel pipe, a piece of broken steel from burglar bars. And this while he was lying on his back sleeping. It was a bloodbath.

One young man clubbed a nurse to death with a piece of wood and her boyfriend into ICU. Another bashed both his adoptive parents unconscious with a cricket bat before stabbing each in the torso more than 20 times and then slitting his father’s throat.

A male prostitute struck his friend so many times with a knobkierie after his “indecent suggestions” that he died of a skull fracture. Why would a heterosexual man who often sleeps with prostitutes pick up a boy at a shopping centre and molest him

Five case studies about real-life SA violent criminals as told by seasoned crime writer Carla van der Spuy and clinical psychologist Dr Henk Swanepoel.

The book contains information about personality disorders, each criminal’s background, the day of the crime, the court case, Dr Swanepoel’s interviews and findings, as well as the follow-up prison visit – face to face with the convict.

Die Afrikaanse weergawe het vorige maand verskyn.

Book details

  • Disturbed: The psyche of South Africa’s most cold-blooded criminals by Henk Swanepoel, Carla van der Spuy
    EAN: 9780799382945
    Find this book with BOOK Finder!

» read article

Waarom haak mense se koppe uit? Sielsiek ondersoek vyf gevallestudies oor ware Suid-Afrikaanse geweldsmisdadigers

Waarom haak mense se koppe uit?

Chris Mahlangu, wat vir Eugene Terre’Blanche vermoor het, het hom nie net doodgeslaan nie, hy het hom letterlik aan stukke gekap met ’n staalpyp. Een jong man slaan ’n verpleegster met ’n stuk hout in die veld dood en haar kêrel tot in die hospitaal se waakeenheid. ’n Ander slaan beide sy aanneemouers bewusteloos met ’n krieketkolf en dan steek hy hulle meer as 20 keer elk in die bors met ’n mes, voor hy sy pa keelaf sny. ’n Manlike prostituut slaan sy vriend soveel keer met ’n knopkierie oor sy “onsedelike voorstelle” dat dié sterf aan ’n skedelbreuk. Waarom sal ’n heteroseksuele man wat by prostitute slaap ’n seun by winkelsentrum oplaai en met hom lol?

Vyf gevallestudies oor ware Suid-Afrikaanse geweldsmisdadigers, vertel deur ervare misdaadskrywer Carla van der Spuy en kliniese sielkundige Dr Henk Swanepoel.

Die boek bevat inligting oor persoonlikheidsversteurings, elke misdadiger se agtergrond, die dag van die misdaad, die hofsaak, Dr Swanepoel se onderhoude en bevindings tydens die verhoor, tot die opvolg tronkbesoek – van aangesig tot aangesig met die persoon.

Die boek is ook, oor ’n paar weke, in Engels beskikbaar as Disturbed.

Boekbesonderhede


» read article

Kook saam Kaaps haal kortlys vir Nielsen Booksellers Choice Award 2017

LAPA en die ATKV, in samewerking met RSG, is trots op die blitsverkoper Kook saam Kaaps deur tannie Koelsoem Kamalie en tannie Flori Schrikker. Die boek het pas die kortlys gehaal van die Nielsen Booksellers Choice Award vir 2017.

In 2016 wen Kook saam Kaaps ’n WoordTROfee as die beste verkoper in die lewenstylkategorie tydens die US Woordfees.

Later in 2016 kondig die jurie van die Gourmand World Cookbook Awards aan dat Kook saam Kaaps, deur Koelsoem Kamalie en Flori Schrikker, die Nasionale Wenner is in die kategorie Beste Plaaslike Cuisine. Edouard Cointreau, die president van die jurie en die stigter van die Gourmand World Cookbook Awards, sê in sy commendatio: “This is a book with magic, bringing back local recipes which are family secrets from grannies in the Cape Town area.”

Hulle TV-reeks, Flori en Koelsoem se kosse wat op Via uitgesaai word, is in 2017 bekroon met ’n AKTV-Mediaveertjie. Die tweede reeks begin binnekort.

 
Boekbesonderhede


» read article

Nie vir Ma’s Nie is dié resepteboek vir pa en die telge

Met dié boek word ma’s tydelik uit die kombuis verban, want jou wederhelf en kinders is van plan om jou te bederf met heerlike kos wat hulle sonder hulp of te veel moeite kan voorberei.

Nie vir Ma’s Nie se resepte is maklik, beproef en het stap-vir-stap aanwysings wat enige groentjie gemaklik sal laat in die kombuis.

Die boek verskaf ook die nodige omskakelingstabelle en wenke en laat kinders toe om meer te leer oor die doel van kombuistoerusting. Buiten heerlike resepte, is daar ook ’n hele hoop wenke wat kosmaak sommer kinderspeletjies maak.

Komaan, pa! Jy en die telge kan!

Daar is heerlike idees vir ontbyte, ligte etes, voorgeregte, kitskos, aandetes, bykosse, braaidisse, nageregte, teetyd-versnaperinge en smulgoed vir smulpape.

 
 

Boekbesonderhede


» read article

Clover Tradisionele Suid-Afrikaanse Gunstelinge bevat resepte vir bunny chow, marog, smoorsnoek, isidudu en meer!

Clover Gunsteling Suid-Afrikaanse Kos
Suid-Afrika is ’n wonderlike vermenging van kulture en nêrens is dit meer duidelik as in die interessante verskeidenheid tradisionele kosgunstelinge nie. Die kombinasie van inheemse kulture en honderde jare se immigrasie beteken dat Suid-Afrika een van die wêreld se mees kleurryke en diverse kostradisies het.

In Clover Tradisionele Suid-Afrikaanse Gunstelinge deel ons iets van die verskeidenheid – soos ’n Bunny Chow, romerige marog, smoorsnoek, soetsuurlewer, vetkoek, isidudu, mashonza (mopaniewurms), wildspastei en botterhoender.

Met Clover aan die stuur, val die kollig natuurlik op Cloverprodukte wat op slim maniere inkorporeer word om smullekker resepte te ontwikkel – van ligte etes tot hoofgeregte en ietsie soet. Marlo Carstens het elkeen van die resepte getoets en toeganklik gemaak.

’n Persentasie van die boek se verkope word aan die Clover Mama Afrika-projek geskenk.
 
 

Boekbesonderhede


» read article

Vrouekeur 50 Breipatrone bied splinternuwe breipatrone met verskeie temas

Vrouekeur 50 Breipatrone bied ’n breibonanza vir die ywerige handwerker.

Christa Swanepoel en Vrouekeur bied 50 splinternuwe breipatrone in een boek, opgedeel in vyf temas: Babas, Meisies, Seuns, Mans en Troeteldiere.

Die moeilikheidsgraad van die patrone en tegnieke wat gebruik word wissel, so die boek is ideaal vir beginners en brei-entoesiaste met meer gevorderde vaardighede.

Projekte wat aangepak word, wissel van skattige babamussies en -truitjies tot truie, serpe en musse vir kinders en mans. Troeteldierliefhebbers sal bly wees oor die hoofstuk wat items soos hondejassies, ’n drasak, ’n katbedtjie en troeteldierspeelgoed, bevat!

Die boek bevat ook ’n lys brei-afkortings in Afrikaans én Engels.

Boekbesonderhede


» read article

Koeëlreën: Wapens, bloedspatsels en wonde – Wollie Wolmarans se sake bewys dat feite soms meer bisar is as fiksie…

Wollie Wolmarans is een van Suid-Afrika se bekendste forensiese deskundiges. Hy is al geroep in meer as 800 hofsake in Suid-Afrika, en oorsee. Een van sy mees bekende sake was Oscar Pistorius s’n; daarna het almal ’n opinie gehad oor spatmerke.

Gooi hierdie ongelooflike kennis saam met Japie Bogaards se vermoë om ’n spannende storie te vertel, dan het jy ’n feiteboek wat soos ’n riller lees.

Vir 240 bladsye vertel hierdie twee jou van ware sake, beide ter plaatse en in ander lande. So, al lesende, word ons al hoe meer vertroud met die studie van projektiele in vlug, die uitkenning van vuurwapens, hulle reikafstand en afvuurtempo, die snelheid van die projektiel, die merke wat op afgevuurde doppies en koeëls gelaat word, die aard van die wonde wat hulle veroorsaak, ja – ook bloedspatselpatrone en die chemiese reste wat koeëls laat op diegene wat daarmee in kontak was, as ook die versameling en berekening van data.

Koeëlreën is ’n fassinerende boek met sake wat tot die 1800s terugdateer.

Die moord op John F Kennedy word betrek, so ook die skrikbewind van die Beltway Snipers wat in 2002 talle mense sonder enige patroon afgemaai het.

Soos die boek vorder, leer die leser al hoe meer.

Verskeie Suid-Afrikaanse sake word betrek, ook die van Pistorius.

Van die interessantste gevalle is egter dié wat nie noodwendig die poniepers haal nie.

Een daarvan is Jamie Verhoef se saak. Die seun se lyk word in sy kamer op ’n afgeleë plaas naby Beaufort-Wes aangetref. Hy lê op sy jaggeweer, sy kop is vergruis. Was dit ’n ongeluk of selfdood? Die antwoord is belangrik, want daar is ’n polis, met ’n selfdoodklousule, van ’n miljoen rand op die spel. Meer nog: Daar is ’n gesin wat antwoorde soek.

Hoe haal regerings hulle teenstanders uit? Al gehoor van spioene en giftige sambrele? Koop die boek, sulke goed gebeur nie net in James Bond-films nie. Feite is soms veel meer bisar as fiksie.

Koeëlreën

Book details


» read article