Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

LAPA Uitgewers

@ Sunday Times Books LIVE

Archive for the ‘Food’ Category

Eet gesonder by die skool en werk

Terug werk toe? Terug skool toe?

Sorg dat die kosblikke wat saamgaan vir die werk- of die skoolpouse, gesond én lekker is.

LAPA het in 2015 twee boeke uitgegee wat sal help om vir jouself en vir die res van die gesin gesonder kos in te pak:
 

* * * * * *

 
UitpakkosUitpakkos deur Hilda Lategan
Boek se tuisblad
EAN: 9780799370089
Spoor hierdie boek met BOOK Finder op!

Vergeet asseblief die kitskoswinkel! Pak die regte kos in!

Uitpakkos is geskryf om jou verbeelding te stimuleer met idees vir die maak van aantreklike, smaaklike en voedsame kospakkies vir ontbyt, skool en werk, vinnige aandetes, vir piekniek en selfs vir rugsakreisigers en vragmotorbestuurders.

‘n Gesonde ingepakte ete help om die daaglikse kilojoule-, vet- en koolhidraatinname beter te beheer en dra by tot die liggaam se daaglikse voedingsbehoeftes. Dit bevorder ook volgehoue energie en is voordelig vir beter konsentrasie en beter produktiwiteit gedurende die dag, wat op sy beurt help met beter skool- en sportprestasies.

Swak eetgewoontes kan jou eindelik siek – of sieklik – maak. Oorweeg gerus gesonder voedselkeuses ter wille van die instandhouding van jou liggaam en goeie gesondheid!

Uitpakkos sal hopelik ‘n uitkoms vir menige huishoudings bring. In baie gevalle beteken ‘n besige lewe dat ‘n mens net nog beter moet beplan en organiseer! Die boek is daar om te help.

 

* * * * * *

 

Lekker en Gesond: Gesonde kosblikkeLekker en Gesond: Gesonde kosblikke deur Martie Hofmeyr en Janet Wiegand
Boek se tuisblad
EAN: 9780799374193
Spoor hierdie boek met BOOK Finder op!

Ons is ál meer tyd weg van die huis af weens ons gejaagde lewenstyl. Die gevolg is ongesonde eetpatrone. Kitskos en energiedrankies word wyd en syd bemark as die antwoord op dié tameletjie.

Helaas, dit dra juis by tot die ontwikkeling van leefstylsiektes weens die hoë inhoud van verfynde koolhidrate (suiker), sout en verwerkte vette, asook kunsmatige kleur-, geur- en preserveermiddels.

Gebalanseerde kosblikkos propvol kleur, geur, voedingswaarde, vesel en stadig vrystellende koolhidrate (lae GI) verskaf volhoubare energie – noodsaaklik vir konsentrasie by die werk, skool en sportveld of gim.

Dié boek is propvol kosblikidees vir elke geleentheid – van skool en werk tot daardie luilekker uitstappie of piekniek – met ’n paar alternatiewe vir voedselallergieë of -onverdraagsaamhede.

’n Gebalanseerde kosblik bestaan uit die volgende:

  • Nodige, gesonde vette (mono-onversadig soos olyf, kanola, makadamia, sesam en avokado)
  • Hidrerende laekoolhidraat-vloeistowwe (water, ystee en verdunde vrugtesap)
  • Vars groente en vrugte (’n verskeidenheid, verkieslik in seisoen)
  • Onverfynde koolhidrate (bruinrys, hawermout, rog, styselgroente soos mielies, patats en jong aartappels met die skil)
  • Proteïen (neute, sade, droëbone en -peule, soja, eier, melkprodukte, vis en laevet-vleisprodukte)

» read article

Twee nuwe Lekker en Gesond-boeke: Glutenvrye gebak en peuselhappies en Slim laekoolhidraat-geregte

LAPA Uitgewers stel bekend twee nuwe boeke in die Lekker en Gesond-reeks deur Martie Hofmeyr en Janet Wiegand:

 

Lekker en Gesond: Glutenvrye gebak en peuselhappies

 
Lekker en Gesond: Glutenvrye gebak en peuselhappiesHealthy and Tasty: Gluten-free Baking and SnacksGluten is ‘n proteïen wat voorkom in koring, rog, gars en hawermout. Om verskeie redes, onder meer geneties van aard, asook weens ‘n immuunreaksie een leefstylfaktore, word heelwat mense geraak deur glutenverwante siektes.

Mense met glutenverwante siektes kan egter ‘n gebalanseerde eetpatroon volg. Hierdie resepteboek bevat malike, glutenvrye resepte met ‘n hoë veselinhoud, beperkte versadigde vette en natrium (sout), asook ‘n lae glukemiese indeks (GI).

 

* * * * * * * *

 

Lekker en Gesond: Slim laekoolhidraat-geregte

 
Lekker en Gesond: Slim laekoolhidraat-geregteHealthy and Tasty: Smart Low-carb RecipesKoolhidrate is die hoofenergiebron van die liggaam. Teen wil en dank leef ons in die kitskos-era – daarom neem ons te veel verfyne koolhidrate en suiker in wat tot oormassa, voedingstoftekorte en leefstylsiektes kan lei. Die antwoord lê nie in die uitskakeling van alle koolhidrate nie, maar eerder in die inname van gebalanseerde hoeveelhede lae glukemiese (GI) koolhidrate, deur die dag versprei om ‘n bestendige bloedglukose te verseker. In hierdie boek word die drie komponente as slim lae koolhidrate beskryf.

 

* * * * * * * *

 

Lekker en Gesond: Glutenvrye gebak en peuselhappies en Lekker en Gesond: Slim laekoolhidraat-geregte is ook in Engels beskikbaar as Healthy and Tasty: Gluten-free Baking and Snacks en Healthy and Tasty: Smart Low-carb Recipes.
 
 
 
 
Oor die outeurs

Janet Wiegand werk reeds vanaf 1994 as dieetkundige en het haar loopbaan as hospitaaldieetkundige begin. As ma van drie kinders ontwikkel sy “SmartEat”, ’n voedingsopleidingsprogram gemik op voorskoolse kinders. Daarna sluit sy by Litchi Living se span dieetkundiges aan, waar sy spesialiseer in die ontwikkeling van gesondheidsprodukte, die gee van demonstrasies en kookklasse, asook die verskaffing van gesonde wegneemetes. As terapeutiese dieetkundige spesialiseer sy in verslanking en sportvoeding.

Martie Hofmeyr is ’n geregistreerde dieetkundige en het ’n privaat praktyk in Pretoria. Haar belangstelling sluit werksplekgesondheid en die voorkoming en bestuur van leefstylsiektes in, asook sport- en kindervoeding. Sy help ook emosionele eters om ’n beter verhouding met kos te hê.

Boekbesonderhede


» read article

Kom vier Die Suid-Afrikaanse vis- en seekoskookboek met Susina Jooste en Henk Stander in Stellenbosch

Uitnodiging na die bekendstelling van Die Suid-Afrikaanse vis- en seekoskookboek

 
Die Suid-Afrikaanse vis- en seekoskookboekSouth African Fish and Seafood CookbookLAPA Uitgewers nooi jou graag na die bekendstelling van Die Suid-Afrikaanse vis- en seekoskookboek, ook in Engels beskikbaar as South African Fish and Seafood Cookbook.

Die skemerkelkie vind plaas op Vrydag, 27 November by The Private Hotel School en begin om 17:30 vir 18:00.

Die Suid-Afrikaanse vis- en seekoskookboek haal die vrees uit die voorbereiding van vis en is saamgestel deur twee kenners: Jooste is die direkteur van The Private Hotel School en Stander is ’n ywerige visserman en die algemene bestuurder van die akwakultuureenheid aan die Universiteit Stellenbosch.

Moenie die geleentheid misloop nie!

Besonderhede

 

Invitation to the launch of South African Fish and Seafood Cookbook

 
Lees ook:

 

Boekbesonderhede


» read article

Leer ken die skrywers van Die Suid-Afrikaanse vis- en seekoskookboek (Plus: Vier smullekker resepte)

Die Suid-Afrikaanse vis- en seekoskookboekSouth African Fish and Seafood CookbookIs jy mal oor seekos, maar skrikkerig vir al die fêncy voorbereidingsmetodes? Dan is Die Suid-Afrikaanse vis- en seekoskookboek deur Susina Jooste en Henk Stander net die boek vir jou!

Die Suid-Afrikaanse vis- en seekoskookboek het vanjaar by LAPA verskyn en is ook beskikbaar in Engels as South African Fish and Seafood Cookbook. Die skrywers het vroeër vanjaar hul boek tydens ‘n spoggeleentheid in Stellenbosch bekendgestel.

Jooste is die direkteur van The Private Hotel School in Stellenbosch en Stander is die Bestuurder van die Akwakultuureenheid by die Universiteit Stellenbosch. Saam het hulle ‘n kookboek geskep wat vir ewig die vrees uit die voorbereiding van vis sal haal.

Vrouekeur het met Jooste gesels oor haar dertigjaarlange loopbaan in die kosbedryf, waar haar belangstelling in seekos vandaan kom en die lekkerste seekosmaal wat sy nog geniet het. Jooste deel ook die kosreuk wat haar aan haar oupa en ouma laat dink, gunsteling kookboek en grootste kombuisflater.

Lees die artikel:

Waar kom jou belangstelling in seekos vandaan?

Ek dink dit gaan terug na my kinder-somervakansies aan die weskus van Namibië (toe nog Suidwes) en die galjoene/kabeljoue wat ons elke aand gebraai het. Ook, ek het ’n paar jaar gelede bewustelik gesonder begin eet, en ook meer sensitief geraak vir ’n volhoubare omgewing en voedselbronne. Toe Henk Stander (medeskrywer) my vyf jaar gelede genader het om saam met hom aan hierdie projek te werk, het my belangstelling verder toegeneem; en daarna was ek aan die hoek!

Kom jy gereeld mense teë wat te bang is om seekos te berei?

Ek dink “bang” is dalk nie heeltemal die regte woord nie, maar beslis “onseker”. Ek maak altyd ’n punt daarvan om te vertoef by die vars seekostoonbanke in supermarkte en hou mense dop wat koop en luister na die vrae wat hulle aan die persoon agter die toonbank vra: die meeste mense wil baie graag meer weet, maar is huiwerig om geld te bestee en is dan nie heeltemal seker oor hoe om dit voor te berei nie.

Stander het vyf jaar gelede die idee gekry om ‘n seekosboek te skryf en Jooste het dadelik ingestem om deel te wees van die projek. Engela Duvenage het by Stander gekuier om meer uit te vind oor sy aandeel in die boek, sy belangstelling in die ontwikkeling van akwakultuur in Suid-Afrika en sy gunsteling resep in Die Suid-Afrikaanse vis- en seekoskookboek.

Lees die artikel:

Jooste was grootliks verantwoordelik vir die keuse van resepte en die voorbereidingswenke. “Vis en seekos moet vars wees, en hoe minder jy karring aan goeie kwaliteit vis, hoe beter,” gee Jooste raad.

Stander weer het die leeueaandeel gehad in die skryf van ‘n afdeling oor die ontwikkeling van akwakultuur in Suid-Afrika, en hoe dit die volhoubare benutting van see- en varswaterbronne bevorder.

“My gunstelingresep is een waarin krap met kerrie en klapper voorberei word,” verklap Stander, wat onder meer ondervoorsitter is van die Wes-Kaapse Forelprodusentevereniging en dien op die bestuur van die Suider-Afrikaanse Akwakultuur Assosiasie.

* * * * * * * *

 
Wat is ‘n goeie kookboek sonder ‘n paar resepte? Landbou en Maroela Media het aanwysings vir heerlike disse gedeel uit Die Suid-Afrikaanse vis- en seekoskookboek.

Probeer die resep vir gesoute snoekpoffertjies:

Pataniscas, soos wat dit in Portugal bekend is, se oorsprong lê glo in dié land se Algarvestreek. Daar is verskeie variasies van hierdie gereg en dit kan na wense verander word, byvoorbeeld deur kabeljou pleks van gesoute snoek te gebruik.

- 250 g gesoute snoek
- 50 ml melk
- Vars uitgedrukte suurlemoensap
- 45 ml koekmeel

Probeer die resep vir gebraaide soet brandrissie-steurgarnale:

Jy benodig:

‘n Paar houtsosatiestokkies

Bestanddele

- 12 tiersteurgarnale, ontaar, maar behou die kop en stert
- sout en peper na smaak
- 50 ml soet brandrissiesous

Probeer die resep vir soesji:

Bestanddele

- 200 g soesji-reis
- 450 ml koue water
- 50 ml rysasyn50 ml versiersuiker
50 ml gepekelde gemmer, fyngekap

Probeer die resep vir risotto:

Bestanddele

- 25 g botter
- 25 ml olyfolie
- 1 groot ui, fyngekap
- 150 g Arborio-rys
- 60 ml droë witwyn
- 1 liter warm visaftreksel

Boekbesonderhede


» read article

Net betyds vir somer: Braaidisse met ’n kinkel in Gunsteling braairesepte deur Clover SA

Gunsteling braairesepteFavourite Braai RecipesGunsteling braairesepte deur Clover SA en Lyn Woodward is nou beskikbaar op LAPA se rakke:

“As Suid-Afrikaners is braai nou maar eenmaal deel van ons kultuur. Min dinge kom naby lekker kuier en eet om ’n vuurtjie – of dit nou in die bosveld is met ’n jakkals wat roep in die verte, rondom ’n moderne gasbraai op ’n sjiek patio iewers in die voorstede, of op die balkon van ’n piepklein studentewoonstelletjie.” (Prof Elain Vlok, Bestuurder: Korporatiewe Dienste, Clover SA)

Die meeste resepte in hierdie mooi publikasie het ’n moderne aanslag en daar word met nuwe smaakkombinasies geëksperimenteer. Indien jy braaidisse met ’n kinkel wil voorsit, is hierdie net die boek vir jou.

Die hoofstukindeling lyk so:

  • Peuselhappies
  • Slaai
  • Vis en seekos
  • Bees-, wild- en lamsvleis
  • Brood en gebak
  • Nageregte

 
In prof Vlok se woorde: “Of jy nou vleiseters of vegetariërs onthaal, op soek is na idees vir smullekker bykosse of slaaie, of dalk net jou hoofgeregte ’n bietjie oemf wil gee, dié boek bied dit alles en vele meer.”

Gunsteling braairesepte is ook in Engels beskikbaar as Favourite Braai Recipes. ’n Persentasie van die boek se verkope word aan die Clover Mama Afrika-projek geskenk.

Oor die outeur

Die resepontwikkelaar, Lyn Woodward, is ’n stralejakker wat insigte en idees op haar vele eksotiese reise versamel. Sy is ’n gekwalifiseerde kok, ’n Kaapse Wynmeester, sy gee klas, sy skryf en werk ook as ’n kosstilis.

Boekbesonderhede


» read article

“Die letterkundesisteem is altyd besig om te broei” – Riana Scheepers (Video)

Die bekroonde Afrikaanse skrywer Riana Scheepers het in Augustus vanjaar ‘n kortverhaalwerkswinkel aangebied tydens die 2015 Suid-Afrikaanse Boekebeurs (SABF) in Johannesburg se middestad.

Vallei van melk en heuningSpoorvatDie stilte in myselfKatriena, vertel!

 
Netwerk24 se boekeredakteur, Jo Prins, het na die tyd met die skrywer gesels oor die stand van die kortverhaal.

“Poësie is ‘n love affair, jy raak waansinnig verlief. ‘n Kortverhaal is ‘n one night stand, vol gevaar en potensiaal, en ‘n roman is ‘n huwelik,” sê Scheepers.

Die skrywer sê dit is opvallend dat daar nie op die oomblik soveel kortverhaalbundels soos in die verlede verskyn het nie, maar sy is nie te bekommerd daaroor nie. “Die letterkundesisteem, en ek praat nou van die Afrikaanse letterkundesisteem, is altyd besig om te broei,” sê sy.

Kyk na die video:

YouTube Preview Image

 

Scheepers het ook terugvoering gegee oor die skryfskool wat sy daardie oggend aangebied het, die effektiwiteit van slypskole in die algemeen en die vrae wat sy gekry het oor “roem en vertaling”.

“As jy skryf moet jy nie eens dink aan publikasie en aan rykdom en roem en vertaling nie,” sê sy. “As jy sulke goed vir my sê is jy nie rêrig vir my ‘n skrywer nie. Vir my is die epitomie van ‘n skrywer daardie persoon wat voor sy rekenaar sit en betrokke raak by dit wat hy skep.”

“Ek het nie ‘n skryfskool gehad wat my gehelp het nie,” sê Scheepers. “Ek moes maar van ‘n kant af inbliksem … niemand het my geleer skryf nie.”

Kyk na die video:

YouTube Preview Image

 

Boekbesonderhede


» read article

Read Francois Ferreira’s GINJA Food and Lifestyle Magazine Editor’s Note – Celebrating the Diversity of Africa

Cupboard CuisineKoskaskosEarlier this year, the Francois Ferreira Academy acquired the GINJA Food and Lifestyle Magazine, with Cupboard Cuisine (Koskaskos in Afrikaans) author, and founder of the academy, François Ferreira taking over as editor.

GINJA magazine is the culinary magazine of choice for the distinguished pallet. The high quality magazine is enjoyable, aspirational and inspirational for men and women alike. It focuses on everything that makes enjoying food so unique and is the only chef-owned magazine in the country.

The latest edition of the magazine, the October/November issue, focuses on South African and African heritage food and cooks, with delectable recipes calling for the best of our local products.

Read Ferreira’s latest editor’s note, shared on his Facebook page, to see what you can expect to find in the “African Edition”:

The enticing smell of freshly caught snoek on the braai, a freshly cooked mielie dripping with farm butter, the smell of a bowl of freshly picked guavas or the crunch of a koeksister oozing syrup – these are the tastes, colours and textures of South African and African Cuisine that get my creative juices flowing!

Many people think that an ingredient needs to be imported to be classy, they treat local ingredients like that member of the family that no-one talks about out loud.

Book details


» read article

Die Suid-Afrikaanse vis- en seekoskookboek deur Susina Jooste en Henk Stander bekendgestel op Stellenbosch

South African Fish and Seafood CookbookDie Suid-Afrikaanse vis- en seekoskookboekDie Suid-Afrikaanse vis- en seekoskookboek deur Susina Jooste en Henk Stander, in Engels beskikbaar as South African Fish and Seafood Cookbook, is onlangs by The Private Hotel School in Stellenbosch bekendgestel. Studente van hierdie skool – waar Jooste direkteur is – het resepte uit die boek voorberei en gaste het heerlik gesmul.

Naomi Bruwer en Naomi Meyer was by die bekendstelling en het op LitNet verslag gelewer oor die geleentheid. Bruwer het pragtige foto’s geneem van almal wat betrokke is by die boek en die heerlike happies wat bedien is, terwyl Meyer ‘n onderhoud met Jooste en Stander gedoen het.

Lees Meyer se artikel vir Jooste se grootste geheime in die voorbereiding van visgeregte, die foute wat mense maak as hul met vis werk en haar gunstelingresep as dit kom by vis of seekos. Vind ook uit wat Stander in sy hoedanigheid as hoofbestuurder by die Afdeling Akwakultuur by die Universiteit Stellenbosch doen, waar sy liefde vir kosmaak vandaan kom en sy wenke vir vissermanne as dit kom by die voorbereiding van vis.

Wil jy dalk vertel wat is foute wat mense maak as hulle met vis werk, of enigiets wat kan skeefloop – vanaf die aankope, tot by die skoonmaak en voorbereiding?

* Die meeste mense maak vis oorgaar. Vis wat te lank aan hitte blootgestel word, of wat aan te hoë hitte blootgestel word, word taai en droog. Vergelyk die optimale gaarmaaktyd met die tyd wat nodig is vir eierwit om te stol: visproteïene moet letterlik net stol.

* ‘n Betroubare verskaffer! Jy moet weet presies hoe die vis hanteer is vandat dit uit die water gekom het totdat jy dit koop.

 
Loer na hierdie artikel vir Bruwer se foto’s van die geleentheid:


 

 

Izak de Vries het ook foto’s geneem tydens die bekendstelling. Loer na die album op Facebook:


 

Boekbesonderhede


» read article

Ses nuwe resepteboeke in die Lekker en Vinnig-reeks wat gou familiegunstelinge sal word

Van worsresepte tot biltonggeregte – ses nuwe boekies in die Lekker en Vinnig-reeks is nou beskikbaar op LAPA se rakke:

Lekker en vinnig: KoekeLekker en vinnig: WorsgeregteLekker en vinnig: BeskuitLekker en vinnig: BiltonggeregteLekker en vinnig: Blikkies en pakkiesLekker en vinnig: Kerries

 
Op soek na inspirasie vir heerlike gesinskos wat iets nuuts en anders is? Die reeks Lekker en Vinnig is net die antwoord … 20 smaaklike resepte per tema/titel met bestanddele wat reeds in die koskas is of geredelik beskikbaar is by die meeste supermarkte. Ontdek nuwerwetse kombinasies en interessante smake wat gou familiegunstelinge sal word.

Hierdie reeks is ook in Engels beskikbaar as Quick and Tasty: Rusks, Quick and Tasty: Biltong Dishes, Quick and tasty: Pantry Foods, Quick and Tasty: Curries, Quick and Tasty 5: Cakes en Quick and Tasty: Sausage Recipes.

Boekbesonderhede


» read article

Al die heerlike, gesonde dinge wat ’n baba kan eet in Koningskos vir kinders deur Helen Schöer

Koningskos vir kindersKoningskos vir kinders deur Helen Schöer is nou beskikbaar op LAPA se rakke:

Talle ouers het al heerlik gelag vir die gesigte wat hulle kinders trek as die kabouter die heel eerste keer aan vaste kos blootgestel word, maar min van ons besef dat daardie kosbare baba se eerste happie babakos die begin is van ’n noodsaaklike, lewenslange verhouding met voedsel.

Hierdie boek sal elke ma help om die kanse te verbeter dat dit ’n gesonde, genotvolle verhouding moet wees. Dink aan daardie eerste, gladde purees, tot sagte kossies met effens meer tekstuur, die heerlike vat-vat-vingerkos en later daardie peutervriendelike disse waaraan die hele gesin kan smul.

Moenie bloot gaan kitskos koop nie! Hierdie boek se voedingsriglyne en maklike resepte sal alle ma’s en pa’s help om self voedsame koningskos voor te berei. Laat daardie liefling van jongs af leer: Die geure, smake, kleure en teksture uit Ma of Pa se kombuis is mos die ware koningskos!

Baba’s en hulle behoeftes verander verrassend vinnig, daarom lyk die boek se hoofstukindeling só: Eerste kos; 6 maande; 9 maande; Vingerkos en Peutervriendelik.

Koningskos vir kinders bied hulp aan almal om voedingswaardes te verstaan, dit verskaf talle wenke en heelwat moets en moenies waaraan die meeste van ons nie sou dink nie, maar die klem val beslis op al die heerlike, gesonde dinge wat ’n baba kán en behoort te eet, in plaas daarvan om te hamer op lyste vol goed wat nie geskik is nie.

Boonop sal die 110 watertandresepte, plus volkleurfoto’s, die ma’s en pa’s inspireer om vir hulleself én vir hulle kinders te leer: Kook liewer self, dis makliker, gesonder en lekkerder om self heilsame kos te maak as wat baie mense besef.

Oor die outeur

Helen Schöer is al vir meer as agt jaar lank die redakteur van Baba & Kleuter, Suid-Afrika se Afrikaanse ouerskaptydskrif wat alles dek van swangerskap tot graad 0. Met ’n honneursgraad in joernalistiek van die Universiteit Stellenbosch in haar sak, het Helen haar loopbaan by die koerante begin. Met die koms van haar kinders – Sophia is nou 12 en Emily 9 – was Helen bly om die harde nuus te verruil vir leefstyljoernalistiek. Sy is passievol oor gesondheid en voeding, en lees resepteboeke soos ander mense fiksie lees. Helen se ander stokperdjies is joga en voetslaan.

Boekbesonderhede


» read article